முள்ளிவாய்க்கால் தமிழின அழிப்பின் 17-ஆம் ஆண்டு நினைவேந்தலை முன்னிட்டு, சிங்களப் பேரினவாத அரசினால் படுகொலை செய்யப்பட்ட இலட்சக்கணக்கான தமிழ் மக்களை நினைவுகூரும் “தமிழின அழிப்பு நினைவு ஊர்திப் பவனி” தற்போது தமிழீழத்தில் உணர்வுப்பூர்வமாகப் பயணித்து வருகின்றது.
திலீபன் நினைவிடத்திலிருந்து தொடக்கம்
கடந்த மே 12, 2026 அன்று யாழ்ப்பாணம் – நல்லூரில் அமைந்துள்ள தியாக தீபம் லெப். கேணல் திலீபன் அவர்களின் நினைவிடத்திலிருந்து இந்த ஊர்திப் பவனி உத்தியோகபூர்வமாகத் தொடங்கியது. தமிழின அழிப்பின் கோர முகத்தையும், வலிகளையும் தாங்கிய நினைவுச்சின்னங்களை ஏந்தியவாறு இந்த ஊர்தி மக்களின் வணக்கத்திற்காகப் புறப்பட்டது.
முள்ளிவாய்க்கால் கஞ்சி: போர்க்காலத்தில் தமிழ் மக்கள் சந்தித்த பட்டினியையும், இடர்மிக்க வாழ்வையும் நினைவுகூரும் வகையில், பொதுமக்களுக்கு முள்ளிவாய்க்கால் கஞ்சி காய்ச்சிக் வழங்கப்பட்டது.
விழிப்புணர்வு நாடகங்கள்: முள்ளிவாய்க்கால் மண்ணில் சிங்களப் பேரினவாத அரசு அரங்கேற்றிய இன அழிப்புச் சம்பவங்கள், சித்திரவதைகள் மற்றும் வலிகளைச் சித்தரிக்கும் வகையிலான வீதி நாடகங்கள் உணர்வுப்பூர்வமாக அரங்கேற்றப்பட்டன.
